صآآآآفي يآآآآلبن..

الاميره الدلوعه ●● · 08-07-2010, 07:29 PM

يآآآآلبن.. , صآآآآفي

صآآآآفي يآآآآلبن.. ارجوو التثبييت

دمية :

بنية حليوهـ و شاطرة ماعليها كلام ..

أوب أنا أقول كذا ، هم يقولون كذا !

بس أحس إنها قوية والقوي الله ..

غامضة ، و مـ .....

بلاش نحش في هالآدمية !

هواياتها : المراسلة ، القراءة ، جمع الطوابع ، السباحة

، الرماية ، ركوب الخيل ، الـ " بولينق " !

نبذهـ عن حياتها تقول فيها : فكوني من شركم ..

ترى لو أنتو شريرين في أحد أشرّر منكم !

مفهـية :

لبى قلبها الصافي أنا ..

يقولون أنها عسل عسل ..

لولا هالفهاوة اللي طاقتها ..

مدري من وين جايبتها تقل ولا مجمعتها تجميع ..

زي كذا أنسانه فاهية ماشافوا الناس ..

أوب أنا أقول كذا ، هم يقولون كذا !

بس أحس أن شخصيتها مش ولا بد و تصرفاتها طايشة و جـ .....

بلاش نحش في هالآدمية !

هواياتها : فنية ، خياطة ، تدبير المنزلي ، رياضيات ، تجميع

قواطي الـ " سفن آب " ..

نبذهـ عن حياتها تقول فيها : عايشة سني و

بأغني وبحب الحياهـ ..

أنا طبعي كدا وحياتي كدا ....

دمية و مفهية :

نقدر نقول " ما " وافق شن طبقة ؟

كل من شافهم يقول " سبحان من جمعكم مع بعض " !

مدري ليه ..

يقولون أنهم صديقات " بالحيل بالحيل " ، مع إنهم إلى الآن

عجزوا يتفقون على شيء واحد طول حياتهم !

بس سبحان الله ! صديقات !

أوب أنا أقول كذا ، هم يقولون كذا ..

قدّر الله وسجلت وحدهـ فيهم بمنتدى ما في يوم من الأيام ..

وبما أنهم صديقات " بالحيل بالحيل " ..

قالت للثانية تسجل معها ..

ومن يومها .........

وحدهـ تشجع الثانية عشان
يزيدون تفاعلهم بهالـ منتدى ..

دمية :

مفهية ألحقي ترى أكتشفت أن كل مازدتي من

الأرقام اللي عند كلمة الـ " مشاركات " ، يعني

أنك بتصيرين أقوى ..

مفهية :

ماشاء الله عليكِ ، مسوية فيها فاهمه الأخت !

هذا وأنتي أكبر مني بـ 5 أيام وكذا تفكيرك ؟

أجل ما أعتب علي !

أنا أقول كل مازدتي من طول توقيعك

بتكونين أقوى ..

دمية :

طالعي هذاك المشرف كيف التنسيق حق ردودهـ !

الألوان اللي فيها خطيرة ولا الخط ! كلام ثاني ..

لا لا باين من ردودهـ أنه رزهـ !

مفهية :

طلي على ملف ( فلانة ) ، توني ألقى موضوع

لها يموت من الضحك !

ليش أنا ما أقدر أسوي زيها !

دمية :

لا ياغبية ! لاتفتحين ملفات الناس !

ترى لو شافك المودير ولا المشرف العام بيدري

أنك ملقوفة وماعندك سالفة !

مفهية :

لا ما أعتقد أحد يقدر يشوفني ..

دمية :

إلا أحس إن الملونين يقدرون يشوفون كل شيء ..

مدري متى بتصيرين تفكرين بشكل عميق مثلي ؟

مفهية :

أنا أفكر أعمق منك ..

أبي أصر ملونة !

دمية :

أجل تفتحين ملفات الناس الشخصية ؟ وتبين تصيرين ملونة !

عسى بس مافتحتي ملفي الشخصي بعد ؟

ياويلك ..

ترى أنا ما أحب أحد يتدخل في حياتي الخاصة وكذا ..

مفهية :

وش أبي بملفك !

كل مواضيعك مخيسة !

أجل كاتبة موضوع عن طيحتك من على الدرج لما كنتي

في السوق !

دمية :

شدراكِ ؟

أسكتي بس ، مايتكلم إلا الغيران !

يكفيني إن ردت عليه وحدهـ ملونة ..

مفهية :

عسى ماكان ردها ينقل للقسم المناسب ؟

دمية :

شقصدك ، تشككين بقدراتي الكتابية ؟

مفهية :

أنا ماقلت كذا ..

أنتي اللي قلتي هالشيء مو أنا ..

...

...

...

...

وعلى هالمنوال ..

من أول ما سجلوا ، و هـ المكان والناس اللي فيه
صار شغلهم الشاغل ..

توهم جديدات ، مانشرهـ عليهم ..

المصدر: منتديات ورود الرياض - من قسم: دروس -واستشارات -نفسيه

wNNNNtd dNNNNgfk>> hv[,, hgjefddj

الاميره الدلوعه ●● · 08-07-2010, 07:34 PM

في كل يوم يمر ، كانوا يتعلمون شيء جديد ويستفيدون ..
ومع الوقت دمية حفظت أسماء أغلب الأعضاء وتعرفت على
محتوى أغلب الأقسام ..
ومفهية للآن تلخبط بين قسم حبر وورق وبين الملعب ..

بعد مدهـ من لابئس بها من وجودهم بهـ المنتدى .....

بعد مدهـ لابئس بها من وجودهم بهـ المنتدى .....
بدت علاقتهم و ناس هـ المنتدى تتوتر بشكل ملحوظ ..

يقولون أن قاعد تتكرر معهم مواقف كثيرة صارت
تأثر فيهم ، وبينهم وبين منتداهم ..

حاولت أتحرى السالفة وأعرف إيش المواقف اللي يقصدونها
و الأسباب اللي خلتهم كذا ..

المهم أني قدرت أعرف اللي صاير من مصادر خاصة وموثوقة ..
>> مايمديني يا الـ أف بي آي ..

- 1 -

مفهية :
دمية ، طالعي هالرد ، إقري اللي بالأحمر بسررعة :

اقتباس:

أصلا أنا أكره كل الدمى
كانت عندي وحده زمان وقصيت لها شعرها ، وخلعت لها يدها ....

ماتـ " ـحسـ" ـينها ، تقصد أحد ؟

دمية :
إلا ، تقصدني وربي ..
مين اللي كتب هالرد ؟ ووين ؟
وش إني مسويه لها عشان تكرهني كل هالكره !

مفهية :
أصلا أنا " أحسـ " ـها تكرهـ كل الناس !

دمية :
صدق ؟

مفهية :
مدري مدري أستغفر الله ، أخاف نظلمها ..
بس باين من صورتها الشخصية إنها حقوده !

دمية :
يعني ما أصير أكلمها .. ؟

مفهية :
إي أحسن ..
أبعدي عن الشر وغني له يختي ..

دمية :
لا مارح أعدّيها لها ، أنا أوريها والأيام بيننا ..
أجل تكرهني وأنا ما أكرهها !

مفهية :
إي لازم تعاملين الناس مثل مايعاملونك ..

-2-

مفهية :
ياحليله مشرفنا عبقر !

- عبقر ، واحد من مشرفين منتداهم !

-
" أحسـ " ـه مرة شاطر ..

تو مخلّص من فعّالية ، وأعطى 3 أوسمه للفايزين ..

دمية :
لاتجيبين طاريه تكفييين ..

لا تقولين ياحليله !

مالت عليه ..

مفهية :
أوف ، ليه ؟ وش مسوي ؟

دمية :
تخيلي كل مانزلت رد ، حذفه ، كل مانزلت رد حذفه !

" أحس " مسوي فيها مستقوي وعنده إشراف ..

مفهية :
لهالدرجة ظالم ؟

لاعاد ، ماكنت أتوقع إنه كذا ..

دمية :
إي ، حتى " أحس " أنه مستّقعد للأعضاء ..

ماغير يحذف بمواضيعهم وبردودهم هالمساكين ..

مفهية :
حسبي الله عليه ، إذا هو مستقعد لنا حنا بعد نستقعد له ..

- 3 -

دمية :
المشرفة حقت القسم اللي أحبه تركت الإشراف ..

مفهية :
لااااا قهر !

دمية :
تتوقعين وش السبب ؟

مفهية :
" أحس" إن في أحد مزعلها !

تتوقعين زعلانه من الإدارة ؟

دمية :
لا لا ما أعتقد ..

مفهية :
إلا ، أنا " أشك " إن هذا اللي صار لها ..

أصلا كل لما مشرف يترك الاشراف إعرفي أنه
متضارب مع أحد ، أو أحد مزعله ..

دمية :
إدارتنا ظالمه ..

مفهية :
إي " أحس " كذا ..

حالــة الـ " شكــشكـة " :
حالة متأزّمـة ..

تجي للناس بشكل يفوق الوصف ..

متى تحدث ؟ :
تحدث لما تصير الأحاسيس و الشكوك تتحكم في
تعاملات الناس مع بعضها !

في هذي الحالة يصيرون الناس " يشكشكون " ..

أسبابها :
لم يعرف سببها الفعلي إلا الآن ..

في ناس تقول أن سببها هو التفكير بشكل
سلبي في كل الأمور ..

هذه الحالة صنفت من أشد الحالات اللي تخلي الشخص
حاد الطباع في التعامل مع غيرهـ ..

للأسف منتشرة وبكثرة ، بشكل يلفت الأنظار ..

لها آثار مدمرة ، كل مازادت حالة الـ " شكشكة "
زادت هالآثار قوة ..

العلاج :
- التخفيف من كلمتين " أحس " ، " أشك " ..

- تصفية النية عند الحكم على الآخرين ..

- النظرة الإيجابية الدائمة في جميع تعاملاتنا مع الناس ..

نصائح وقائية :
- مو كل شيء ينقال يتصدق ..

- لو واجهتي أختي العضوة وأخي العضو أناس أمثال دمية ومفهية
من ناحية التفكير ، طنشوهم ..

-

الـ " شكشكة " غالباً تبدأ بيننا وبين نفسنا ..

نصير نهوجس باللي حولنا كالآتي :

أحس فلانه تقصدني بكل مواضيعها ..

أحس فلان يكرهـ فلان ..

أحس فلانه تكرهني ..

أحس فلان متكبر ..

أحس ... وأحس .. وأحس ..

تستمر هالـ " شكشكة " لين تتطور ..

ويصير الشخص مايتقبل تصرفات اللي حوله بمجرد أنه
( حس ) بأن غيرهـ يتقصدهـ ولا يكرهه ... إلخ ..

مع الوقت تبدأ تطلع آثار الـ " شكشكة " ..

وهي التخاصم ، والتعامل الحاد بيننا وبين بعض مثال :

حسيت إنها تتقصدني أنا أوريها !

حسيت إنه يكرهني ، بأكرهه ..
حسيت إنه .... بـ .....

وبالتالي تصير بيننا مشاكل سببها :
أبد ، ولا شيء !

شكشكنا في البداية شوي وبس ..

لما نبني تصرفاتنا مع حولنا على أساس الـ " شكشكة "
فـ هذا غلط بحقنا وبحق الآخرين ..

معاً لـ :
نتقبل الآخرين ، نكون مرنين ، متسامحين ..

- نمسكها وحدهـ وحدهـ ..

-

نتقبل الآخرين :
هو أننا نبني علاقاتنا وتعاملاتنا معهم بشكل إيجابي
ونتقبل وجهات نظرهم بسعة صدر ..

من أهم الأسباب اللي ماتخلينا نتقبل غيرنا هو :
التكبّر ..

مثال :
( مين هو عشان يتجرأ يرد رد مخالف لرأيي !

)
( هالعضو ماصارله أسبوع ومسويلي فيها أقوى واحد هذا اللي ناقصني !

) ، إلخ ..

إذا نبي نكسب اللي حولنا ، فـ هذا التفكير لازم نتحاشاهـ ..

مرنين :
مأخوذة من مصطلح أسمه ( المرونة ) ..

لما نقول أن المطاط مرن ، فهذا يعني أنه يتشكل بسهولة
ولما ينضغط من أي جهه يتحمل هذا الضغط بشكل سلسل ..

>> لعد تضربين أمثلة ..

المرونه في التعامل تحتاج لـ مجهود + صفاء نية + صبر ..
مانقابل الإساءة بالإساءة ، نحاول نقابلها بإحسان ..

باقي الـ تسامح :

غلطنا بحق غيرنا كثيييييييييير ..

وغيرنا غلط بحقنا كثيييييييييير ..

مافي أحد مايغلط ..

بس ماينفع نبقى على الغلط ..

لازم نسامح بعض ، ونغفر زلاّت وأخطاء بعض !

طيب أنا أعترف إني غلطانه وش أسوي ؟

ألحين بدت فكرة الموضوع ..

يعني كل الكلام والردود اللي فوق كانت مجرد مقدمة !

( مشهد لمجموعة من الناس تحذف وسايد وعلب موية ولابتوبات
وقواطي بيسي على دمية وتقول مالت على اللي علّمك المقدمات ..

)

صافي يا لبن ؟

إذا مو صافي ..

تعالوا نصفّيه ..

في ناس غلطنا عليهم ونبي نعتذر ..

في ناس أذيناهم بردودنا ومأنبنا ضميرنا ..

في ناس قصرنا بحقهم كثير ..

في ناس عتبانين عليهم ..

في ناس خدمونا ونبي نشكرهم ..

في ناس نحبهم ! نبي نقولهم ترى إحنا نحبكم !

[

الاميره الدلوعه ●● · 08-07-2010, 07:35 PM

لذلك ، شركة صافي يا لبن تعلن عن أول منتجاتها :

طريقة أستخدام المنتج

:

1- إختار الكرت المناسب ، وفكر بالشخص المناسب اللي تبي توصل الكرت له ..

2- طريقة التوصيل : يا أنك تحط الكرت بالموضوع ، وتقول هذا الكرت لـ فلان / فلانه ..

أو أنك ترسله خاص للشخص المناسب ..

3- تحت الكرت أكتب الكلام اللي تبيه ، وأنهي الكلام بجملة ( صافي يالبن ؟

) ..

4- تيقن عزيزي المستخدم بأنه كل ما أرسلت كروت أكثر للناس كل مازادت فرصتك بالـ لبن الصافي ..

5- وكل ماجتّك كروت من الناس ، اعرف إنك حققت الفائدة من ( صافي يا لبن ) ..

- تم الموضوع بحمد الله

-

ألحين عاد كل واحد يبدا يـ شكشك ..

ويقول أكيد الاميره الدلوعه ! كتبت هالموضوع تقصدني فيه !

ياويلكم تفكرون هالتفكير من اليوم ورايح !

يالله كل أحد يبدا يستخدم المنتج ..

بعد كذا يقول كم كرت أرسل وكم كرت وصله ..

أعتذر على الإطالة ، والسموحة على القصور ..

شكراً لكل اعضائنا
ربي يجزاكم كل الخير ..

الموضوع م.ن لجمآآل محتوآآه

’َرو حٍ’َالٍحٍُــبــہ’َ... · 09-07-2010, 01:25 PM

واااااااااو روعه شكل انتى الدميه
ونااا مفهيههه عجبونى كثيررررر
هوايتهااا تجمع قواطى
اوكى بحط لك تثبيت ماطلبتى شى
يعطيك العافيه

رووح الحب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري