| |
 |  |
| ||||||||
 |  |
| قصص واقعيه -قصص خيالية- قصص رواية- يهتم بالقصة و الرواية الثقافية -والتراث -القديم- قصص حب قصص - روايات - رويات بصيغة ورد - روايات بصيغة word - روايات - روايات طويلة - روايات - تحميل روايات - روايات سعودية - خليجية - عربية - روايات اجنبية - اجمل الروايات - تحميل روايات قصص قصه - روايات عبير- روايه روايات رومانسيه رومنسي رومنسية - قصص واقعيه - قصص افلام - قصص دينيه - قصص أطفال , قصص غرامية , قصة قصيرة , قصص الأنبياء , قصص واقعية , قصص من نسج الخيال , قصص موروثة , حكايات عربيه , قصص طريفة , قصص السيرة - قصص غريبة , قصص تائبين - روايات ادبية , روايات بوليسية , روايات عالمية |
 |
| | أدوات الموضوع | انواع عرض الموضوع |
 16-11-2009, 04:31 PM
| رقم المشاركة : ( 1 ) | |||||||||||||
 | ==قساوة النصيب== Tweet تقول صاحبه القصه :......................... دموع تتسابق على خدي وانا اتذكر سنتين اضعتها من عمري واتذكر طفولتي التي عشتها بأحلام ورديه وارسمها,سنوات عمري ال19 تمر امام عيني من ايام المراهقه وانا انسج خيالي واتصور نواف زوجي كان بيننا شي وتواصل غريب منذ صغرنا وامي تقول :عنود لنواف ونواف لعنود,وكلماتها علقت في مخيلتي طوال السنين ولد خالتي واقرب الناس لدي وهو كان يحبني بجنون ,رحلت ام نواف خارج البلاد واخذت قلبي معهاواستقرت هناك 5 سنوات كانت كفيله بأن تنسيني شعور الطفولة وكل احاسيسي الصغيرة واعتبرته مجرد حب مراهقه وانه نسيني مع مرور الايام ولن يفكر ان يأخذني كزوجه له , مرت الايام وتخرجت من الثانوي قبل سنتين ودخلت الجامعه وبدأمشواري بالدراسه,وبيوم كنت بالجامعه هاتفتني إبنت خالتي وبمقام اخت لي :عنود اخوي خالد يبي يخطبك اذا صار توافقي ولا لا ؟؟بصراحه تفاجأت "خالد" الذي خطبني قبل 4 سنوات ورفضت بحجة اني صغيره ؟؟ترددت قبل الرد عليها فقالت :لا تقلقي امي رح تكلم امك اليوم ..واقفلت ,اسندت رأسي على المقعد وافكر بخالد شاب وسيم ,درس بالخارج,متفتح,وغني , ويحبني ايضافرصة لأي فتاة ,ولكنه مازال طالب عمره 24 سنه ...وللحظات مرت صورة نواف ببالي واقول مستحيل ان يفكر بي اكيد نسيني انه امل ميؤس منه ..ذهبت الى المنزل وجدت والدتي :السلام ماما ,وعليكم السلام تعالي عنود اريد ان اتحدث اليك..ذهبت مها وانا اعرف ماذا تقول :حبيبتي اليوم كلمتني خالتك تبي تخطبك لخالد وش رايك؟؟لا تضيعين الفرصة من يدك الولد احسن من الزين وكل شي مرتب لك والي تعرفينه احسن من اللي ماتعرفينه والولد شاريك ويحبك وسنه مناسب ووسيم .. وش رايك فكري وقرري .والزواج سنه بالحياة لاتفكرين بفلان وفلان فكري بالي جاء ... قلت بنفسي اه يمه لو تدرين الي بقلبي.. غادررت امي وهي تقول فكري واستخري والخيره فيما اختارها الله.. جلست افكر بكللام امي وتذكرت المثل القائل (خذ اللي يحبك ولا تاخذ اللي انت تحبه )... خالد يحبني ويرد ارضائي بكل الطرق وظروفه جدا ممتازه ونواف بتاكيد نسيني واكيد البنات الاجنبيات انسوه الرياض بالذي فيها وليس لديه نية زواج .. هل اضيع من يدي فرصة على امل عقيم ؟؟؟؟؟؟؟؟ اه خياااار صعب والاختياااااار اصعب ................ استخرت الله وذهبت لوالدتي :ماما انا موافقه اني اتزوجه اتستخرت الله واتوقع انه مناسب لي ... الله يبارك لك ويسعدك يارب ببشر خالتك ..رفعت السماعه وزفت لهم الخبر والجميع يبارك ويهني ... بعد اسبوع تمت الخطوبه والملكه كل شي كان سريع .. وبحكم انه ولد خالتي واعرفه وهو يعرفني قالو مافي داعي نطول الملكه ..وفعلا بدأت بتجهيز للزواج هو اشترى بيت وبدأ بمستلزمات الزواج وانا اتنقل من مكان لمكان احاول سريعا فعل جميع الامور التي تسبق الزواج ؟؟شعوري بهذه الايام متضاربه احيانا اكون سعيده ان ربي وفقني بانسان صالح ومره اخرى اكون حزينه بسبب نواااف ... وقررت ان اخرج نواف تماما من قلبي وان ادخل خالد بدلا منه واكون وفية ومخلصه له وحده.. وبدأت مع خالد رحلتي اصبحت لاافارقه انام على صوته وافيق على صوته لا تفترق هاتفيا ولو ساعه واحده كل وقتي معه وكنت سعيده جدا لدرجه اني كنت احسد نفسي عليه لانه كامل والكمال لله من كل النواحي ..كان يتردد لبيتنا كثيرا واجلس معه ونخطط لحياتنا بداية من عش الزوجية الى اسماء اطفالنا وعددهم .. وكنت اعيش معه الاحلام وتوقعت ان اعيش كل حياتي على وتيرة واحده .... مضت الايام وبدأت الامور تنكشف اكتشفت انه انسان شكاك فكان دائما يردد:عنود ليه وافقتي علي انا مستغرب يعني انتي مره حلوه وجامعيه وسمعتك طيبه ليش وافقتي علي وانتي تقدرين تاخذين احسن مني ..لم اكن اأخذ كلامه بجديه وكنت امزح واقول :وانت بعد وسيم وجامعي وسمعتك طيبه يعني وافق شن طبقه واضحك ... بعدها تطور الموضوع اصبح يسألني كلمتي مين ؟شفتي مين؟ يوميا اصبحنا نتشاااد على الكلام الى ان طفشت وحاولت ان اتجنب اي نقاش واحاول ان احسسه انه هو الانسان الوحيد الذي ملك قلبي وان احاول ادللة وادلعه واداري مشاعره من كل النواحي ..ومع الايام بدأاهتمامه يقل واصبح لايكلمني هاتفيا ولايزورنا بالمنزل الاقليل وكانت دائما حجته ان والدته مريضة وتعبانه نفسيا وتاخذ ادوية نفسية وانه طوال الوقت بجانبها ودائما نفسيته تعبانه وكنت احاول ان لا احسسه اني متضايقه من هاذا الشي واحاول ارضيه بأي طريقة بعد شهرين من مسلسل النكد والاهمال والشك .. امي نادتني : عنود تدرين تدرين وش صار . عسى خير ماما وش فيه .. ردت والدتي :من وين يجي الخير من عمايل خالد ... قلت لها :وش صاااار ؟؟؟؟؟؟؟؟؟؟؟؟؟ الي صار اليوم جاء محقق لبيت خالتك وطلب خالد والمحقق يقول ان شهادات خالد كلها مزوره الجامعيه وسحبوه منه ودفع كفالة بتهمة التزوير وطلع قبل شوي ... جلست وانا لا اصدق ما اسمعه لماذا خالد لم يقل لي على الاقل كنت ساساعده واقف بجانبه.. قلت لامي:معقوله خالد ماما يعني ايش مني فاهمه رجع لشهادة الثانوي .. لا يمه رجع لاوله ثانوي لان ثاني وثالث مزوره بعد .. وش اقول للناس زوج بنتي معه شهادة اوله ثانوي وش مستقبله هاذا .. رديت عليها : انا ماهمني الناس همني هو ليه خدعني ليه خبه علي ليه ما قالي طيب ... ذهبت الى غرفتي ومرفأي الوحيد امسكت بهاتفي وضغطت على اسمه (نور الدنيا) واعصابي مشدوده .. جاء صوته من الطرف الاخر:هلا عنود .. خالد ليه كذبت علي ... قال:قبل تقولين اي شي انا احبك واذا خبيت شي عنك زي كذا لاني ما ابيك تزعلين او تاخذين فكره غلط عني اعترف اني غلطت لكن غلطه واحد كان بسن صغيره وابيك تسامحيني عليها ما ابك تغيرين رايك فيني وترفضين تتمين الزواج والله اني اموت بتراب رجوولك تكفين وقفي معي اوعدك انها اول واخر غلطه واني رح اعوض السنين واكمل دراستي وانا معك بس عطيني فرصه ... خالد وانا احبك وشاريتك ولا ابيك تخدعني بشي ابي الصراحه بينا انا رح اسامحك على الغلطه هاذي بس ابي كل شي اعرفه عنك ما ابي انصدم بشي منك .. اقفلت السماعه وانا مستغربه من نفسي كيف سامحته بهاذه السهوله .. كيف غفرت له كذبته ... فايقنت اني فعلا احبه واريد ان اتمم زواجي منه واجتاز العوائق امامي ..احسست بيني وبين نفسي ان هناك اشياء كثيره غامضه مازالت مخفيه تحت الظلام ..مرت الايام واهماله ازداد اكثر واكثر وكل مره والدتي تصبرني عليه وتقول :ترى يا بنتي في رجال كذا ما يعبرون بحبهم واهتمامهم بالتلفونات والخاربيط اهم شي هو يحبك وانتي تعرفين هالشي بعد الزواج تعرفين تخلينه يتولع فيك ولا يقدر يفارقك ثانيه .. وبكلام امي كان الامل يزداد لدي .. بيوم كانت الساعد 10 مساء رن الهاتف (نور الدنيا)الو هلا حبيبي ..جاء صوت ثقيل هلا عنود .. خالد وش فيك .. عنود لازم اشوفك اللحيين .. خالد الساعه 10 صعبه وش اقول لاهلي خلها بكره العصر تعال عندنا ..قال لا مالي دخل باهلك اللحين بجي عندكم وانزليلي ..استغربت اسلوبه وطريقت كلامه وذهبت ابدل ملابسي... الجزء 4 فتحت له الباب ودخل الى المنزل كانت نظراته غريبه كأأنني اول مره اراه وخطواته ثقيله يقدم رجل ويأخر الاخرى .. هلا خالد ادخل قلبي .. دخل من دون ان يتفوه بكلمه.. خالد وش فيك تكلم ما استحمل اشوفك كذا قول صاير شي .. بعد سكوت ثواني اصبح يضحك ويضحك بصوت عالي وانا انا اراقبه باستغراب .. نهض عن مقعده واصبح يتفوه بكلام غير مفهوم واصبح يترنح وكاد ان يسقط امسكت به وكنت خائفه منه .. عنود تعالي .. وين خالد .. لا تسألين ومشيت معه وطلع للحديقه وقال يلا اركبي السياره .. ابي اوديك لبيتك الجديد .. خالد وش تقول انت صاحي وين اروح .. امسك يدي بقوه وسحبني وقال.. البنت المؤدبه والمتربيه ما تقول لزوجها لا .. وانا اريد ان اتكلم ولكن ابت الحروف ان تخرج من فمي ولا يوجد تفسير لتصرفاته .. وحاولت ان افلت يدي منه قبضته .. خالد وخر عني وفك يدي .. وضغطت اقوى واشد واصبحت اصرخ من الألم .. عنود اسمعي كلامي وتعالي بيتي حبيبتي والله ترى بتنبسطين بعدين ترى خوياي هناك وابي اعرفك عليهم ابيهم يشوفون خالد وش اخذ ويشوفون جمالك.. صعقت من كلامه والصدمه شلت جسدي واصبحت دموعي تتساقط كأنها تتسابق على خدي اهاذا من احببته ؟اهاذا من اتخذته زوجا لي .. اصبح يضحك بهستيريا ..عنود جايه تسوين شريفه علي اللحين وتضحكين علي بهالدمعتين .. نهضت وصرخت بأعلى صوتي يكفي .. انا اشرف منك تبيع عرضك اطلع من بيتي ما ابي اشوفك .. ما ابي اشوفك.. ما ابي اشوووفك.. خرج وترك كلماتي وصداها في راسي احسست ان الدنيا تلاشت من حولي كل شي اصبح ظلام .....صعدت الى غرفتي .. لماذا خالد فعل هاذا الشي اكيد انه جن او متعاطي شي ......معقوله خالد يتعاطي.؟؟؟؟ لا مستحيل انا اعرف خالد اكثر من نفسي لم اره بحياته غير طبيعي كل تصرفته متزنه لماذا فعل هاذا الشي ؟؟ لماذا ؟؟؟؟؟؟؟؟؟؟؟؟؟؟ وعلى هاذا السؤال غفيت على سريري وكانت الكوابيس تحيط بي افقت وكانت الساعه تشير الى 11 ظهرا امسكت الهاتف 64 مكالمه لم يرد عليه من ( نور الدنيا)تركت الهاتف واسندت راسي على وسادتي وانا استرجع احداث الامس قاطعتني امي :عنود كلمي خالد يبيك هاذا هو على التلفون يقول ماتردين كلميه واعطتني هاتفها .. واضطريت ان ارد امامها كي لاتحس بشي .. الو ... هلا عنود وش فيك ما تردين علي زعلانه مني بشي ... سلامتك ..لا والله شكلك زعلانه لي وانا مشتاق لك لي 4 ايام ما شفتك ابي اشوفك منها اسلم عليك ومنها اشوف وش مزعلك ...خالد.. امس بليل وين كنت؟؟قال امس كنت من المغرب نايم وماقمت الا الفجر .. يعني ما طلعت مكان ولا جيت بيتنا .. لا طبعا وش يجيبني عندكم وانا نايم يعني بجيكم سؤال غريب عنود .. خالد انت تشرب ؟ولم اتلقى اي رد .. خالد اسالك انا انت تشرب او تتعاطى شي ؟؟سكت فتره طويله .. لأ عنود طبعا لأ..قلت خالد انت تشرب وانا مستحيل اقعد معك ابيك تطلقني خلاص ما ابيك ما اقدر أأمن على نفسي لو ثانيه معك .. عنود فهمني طيب وش صار ... وقلت له ما حدث بالامس .. قطع حديثي صوته وهو يبكي عنود تكفين لا تخليني كلامك صحيح انا اشرب بس والله ثم والله ثم والله ما عاد يطب فمي ولا اذوقه انا كانت نفسيتي تعبانه عشان امي واشوفها بهالحاله واداريها فلجأت لهالشي بس رح اتركه وغلاتك عندي بس لاتخليني لا تصيرين انتي والزمن علي لك حرة القرار بس انا ابيك وشاريك ومستعد انسى الشراب بس عطيني اخر فرصه .. خالد انا ما اقدر اتخذ قرار اللحين اتركني الحين لحالي وقراري بيوصلك .. اغلقت السماعه .. كيف كان يسكر وانا لا اعرف الى هاذا المدى اانا غبيه كيف لي ان لا اعرف ؟؟؟ كيف استطاع ان يستغفلني .... افكر بكلام خالد مره تلو الاخرى وافكر في حياتي ومستقبلي واصبحت غرفتي هي ملاذي .. دخلت امي الغرفه وقد علمت بما حدث بيني وبينه .. شوفي ياعنود هاذا قرارك بس حبيت اقولك شي الولد زين عيبه انه صغير ومايعرف يزون الامور اول شي بموضوع شهادته هاذا ما يد انه انسان سيئ بالعكس يمكن كان يفكر بمستقبله ولانه صغير توقع انها طريقه سهله وامنه انه يزور شهادته وهو ما يقيم عواقب الامور ولموضوع الشراب ترى رجال كثير يشربون لو تركتيهخ يمكن توقعين بشي اكبر وتاخذين اسوأ ودامك صرتي بذمته وانحسبتي انك تزوجتي حاولي تصلحين الامور ولا تتسرعين بموضوع الطلاق لا تتوقعينه شي هين فخليك معه وامسكي فيه وحاولي تصلحينه هو مادام باقي ظروفه زينه ومافي رجال كامل بالدنيا ولو حسيتي انه تعدل كان بها ولو ماتعدل اطلبي الانفصال والزوجه الصالحه تغفر وتسامح وتنسى والصبر خليه دايم معك ترى قدامك كثير ولا تتوقعين هاذي العثره الوحيده.... انتهى حديث والدتي وتركتني اعيد كلامها احاول ان اتوصل لحل ..بعد اسبوع اتى خالد الى المنزل وقالت لي امي : يلا مها انزلي وسامحي عشاني عاد خلي ربي يسهل الامور ..نزلت اليه وانا لا اعلم ماذا اقول او ماذا ساسمع ؟رأيته ومد يده ليصافحني ..هلا عنود .. مددت يدي هلا خالد .. هاذه المره لمن احس اتجاهه باي شعور كان كل مشاعري تبلدت اتجاهه.. كيفك عنود .. الحمد الله.. اسمعي ابي اقولك اني احبك .... ضحكت في نفسي علمت انه سيقول نفس الحديث الذي حدث من قبل .. قطعت حديثه :انت اللي اسمعني انا عندي كلمتين تاكد ان هاذي فرصتك الاخره تثبت لي انك تغيرت اذا شفتك بيوم شارب او سمعت ان شارب ترى كل شي انتهى بينا .. يعني سامحتيني حبيبتي.. مو المهم سامحتك المهم ماتضيع الفرصه وتكرر الغلطه لان لو ضيعتها عمري مارح ارجع بذمتك ..ابشري بالي تبينه تامرين امر ..وقبل راسي ..اسف على كل شي سويته ادري استحملتيني كثير وخليتك تمرين باشياء كثيره انا اســـــف..رق قلبي له وابتسمت ربك يسامح الجميع وانا مسامحتك بس ابيك توعدني.. وعد والله وعد ما عاد اشوفه بعيوني..عاد لي الامل قليلا بكلامه وتنهدت على حديثه ..واصبح اهتامه يزيد لا ادري هل هو شعور بالذنب؟او تكفير لغلطته؟ واصبحت اكمل ترتيبي للزواج ومعي بنات خالتي ورفيقاتي لم يتبقى غير اسبوع على الزواج ... وجميع الناس تحسدني عليه هم لا يعلمون بما حدث بيننا .. وكنت متأمله خير ولم الاحظ على خالد شي وكنت اتعمد اهاتفه كل وقت حتى اتاكد وفعلا كان كل شي طبيعي .. مر الوقت لم يتبقى الا3 ايام احضرت فستان الزواج وكنت سعيده من اعماقي والناس تهني وتبارك بقرب الزواج..امي:عنود مني مصدقه بتتزوجين وترركيني .ماما مارح اتركك انا دايم بكون عندك لا تقلقين .. وحضنت والدتي اه كم سافقدك ..ايه عنود نسيت اقولك تذكرين قبل شهرين يوم اختي كاميرة الفيديو قلتيلي خالد يبيها اطلبيها منه اللحين ابي اجهزها عشان زواجك .. حاظر تامرين لحين بكلمه..الو خالد .. كيفك مابي اطول عليك ادري انك مشغول جهزلي الكاميرا وجيبها امي تبيها .. حاظر حبيبتي باجيبها لك وقوليلها مشكوره ... نهضت وصليت ركعتين لربي ..ودعيت من قلبي يالله ياكريم انك تكتبلي الخير بكل خطواتي وتنور بصيرتي وتهدي قلبي وتنزل السكينه ...وتهديني الى الخير وتهدي الخير لي ..انهيت صلاتي وقلبي مقبوض لم اعرف لماذا..اتت اختي وبيدها حقيبه خالد ارسلها لك عنود.. شكرا مها .. اخذتها منها فتحت الحقيبه لاتاكد ان كل شي كامل وفتحت الكاميرا الفيديو ووجدت شريط .. قلت في نفسي اكيد هاذا شريط خالد ناسيه وبدافع الفضول لا اكثر وضعت الشريط وادرته ...اه وليتني تركته .. ليت يدي كسرت وولم اشغله ... ليتني مت قبل ان اراااااااااااه....... ======================== اشاهد الشريط ولا اصدق ما اراه هاذا حبيبي وقلبي وزوجي لا اصدق ؟؟ما اراه وبغفه نومه وهو سكران وعلى سريره ومعه امراه يمارس معها الرذيله .... والمصيبه ان تاريخ الشريط قبل 4 ايام ؟؟؟؟؟؟؟؟؟ بتاكيد هناك غلط مستحيل ان يكون هاذا من احببته ...مستحيل .... مستحيل .... مستحيل ... وكانت هاذه اخر كلماتي . افقت وانا بالمستشفى ارى وجوه الناس غريبه كل شي اصبح غريب ... كرهت جميع من في هذا الحياه .. جميع الناس مخادعين ... رأيت امي امامي .. ارتميت في احضانها كان ليس هناك احدا بالدنيا سواها ... ماما خلاص ما عدت ابيه ابيه يطلقني تكفين يمه .. كل من كان حولي حاول ان يفهم الموضوع ولكني ابيت ان اقول لاحد سوى امي علمت بالامر .. وهاتفت خالد : البنت ما تبيك وزي ما طخلتو بالمعروف طلقها بالمعروف وكل شي قسمه ونصيب .... فقال: باقي على الزواج 3 ايام وش جاها خلها تستهدي بالله .. خالد يكفي ما جاها منك وحكت له القصه .. ربي يسهل عليك وعليها ..اقفلت الهاتف والتفتت الي:اسمعي عنود انا انصدمت فيه مثلك هاذا وهو يحبك سوى كذا لو كان ما يحبك وش بيسوي ؟؟ واذا صرتي ببيته وبعد كم شهر مل منك وش بيسوي زود ؟؟ ما ادري وشلون كنا معمين من الاول عنه انسان مو معتمد على نفسه كل شي عند امه اللي هي اختي لكن كل شي يقولك امي ودايم نفسيته تعبانه وانا اصبرك عليه انتي مثل الورده وتستاهلي احسن منه .. والدتي اكملت حديثها وانا لم اسمع الباقي منه دخلت في سبات عميق كنت اريد ان انسى ما يحدث ...مرت 3 شهور بعد الحادثه هاذا وهو يحاول ارجاعي له وانا لا اكل ولا نوم اصبحت اسيره لفستاني الابيض اللذي كنت احلم فيه البسه كل يوم واتخيل ان اليوم زفافي .. اليس لي حق ان افرح ؟؟ لماذا انا تصبح الامور معي هاكذا ؟؟؟ لماذا انا ؟ لماذا انا ؟؟ استغفر الله العظيم لا اعتراض على حكم الله اراد ان يكشفه قبل 3 ايام من زواجي وله حكمة في ذلك وانا راضيه بامر الله .... وطوال ال3 اشهر اسمع احاديث عن خالد انه اصبح يشرب ويسكر واصبحت سمعته بالحضيض ...واغلق جميع الابواب امامي وقلبي اصبح ميت اتجاهه .. وبيوم اتتني امي : عنود اليوم خالتك قالت لي ان خالد خطب وزواجه بعد اسبوع ... ماذا ... توكلي على ربك .. الخبر نزل على بهدوء اعصاب ولم اشعر اتجاهه بأي شي .. ماما يكفي اللي جاني منه واحمد ربي اني عرفته قبل اصير ببيته .. بس هو لسه ما طلقني قبل زواجه ابي صك طلاقي .. وبالفعل بعد 4 ايام اتاني صك الطلاق ...لا اكذب جميع مشاعر الحب تحولت الى كره لكن بهاذه اللحظه امسكت بالورقه واصبحت ابكي كأني لم ابكي من قبل .. ابكي على حظي .. وموت مشاعري .. يوم زفافه لم احضره ولكن احسست ان عظامي اهزت وانا اتخيله بجانب زوجته .. احسست بطعن الخيانه والغدر.. كان جميع الاهل حاضرين الزفاف وكان بينهم خالتي اتت من بلاد الخارج هي وابناءها ومن بينهم نواااف .. نعم نواف .. حب الطفوله .. لم اتحمل فكره زواج خالد واحسست الحمل ثقيل علي فذهبت لاتوضأ واصلي ركعتين لله ... مرت الايام واصبحت اسمع اخبار خالد من اقاربي انه دائم المشاكل معها ومازال يشرب .. وسنعت منهم انها حامل بشهرها الثاني .. اصبحت لاتهمني اخباره وانشغلت بدراستي واحمد ربي على خلاصي منه ... ونسيت خالد تماما كان يوم الثلاثاء اتتني امي :عنود انزلي خالتك ام نواف عندنا وعيالها .. قلبي خفق بقوووه رهيبه لم اره من 6 سنوات وعندما اتى من السفر لم اره ايضا .. ماما لازم انزل اسلم ؟؟ ايه طبعا عيب لك كم ما شفتيهم .. طييب ماما.. لبست عبايتي ونزلت لاسلم عليهم واسمع صوت نواف يتكلم .. اه لا ادري ماذا يحصل معي لماذا ارجف هاكذا ؟؟ اما زلت احبه ايعقل ؟؟؟ يالله ساعدني ............. صافحت خالتي ورأيت رجلا يقف بجانبها .. ملامحه ليست غريبة علي .. اني اعرفه .. واعرفه جيدا .. هلا عنود كيفك؟؟؟ومد يده ليصافحني ... انه صوته .. انها عينيه ... امي:عنود هاذا نواف ولد خالتك..صافحته هلا نواف انا تمام انت كيفك؟؟ الحمد الله على السلامه ..الله يسلمك ..جلست على المقعد واصبح جميع من بالجلسه بتحدث ولكني لا اسمع شي كنت اتأمل نواف .. اصبح رجلا وسيما ... تنتابني مشااااعر غريبه اتجاهه استرجعت ايام الطفوله معه .. بعد هذه الاجتماع اصبحنا يوميا نجتمع عندهم او عندنا .. وكل يوم اراه .. استرجعت مشاعري احسست انا حية من جديد اصبحت اعشق رؤيته وجلسته واحاديثه ...عشقته كما لم اعشق من قبل ..كان انسان محترم ومسؤؤل عن عائلته بعد وفاة والده .. اعجبني بكل مافيه واصبحت احبه بجنون وافكر فيه ليل نهار ..وكنت كل مره اكبح نفسي واقول مستحيل يفكر فيني كزوجه لانه هو وخالد اخوان من الرضاعه وعيال خاله فاستحاله ان اتزوجه ..واصبحت الوم نفسي على خطبتي من نفسي وياليتني صبرت وانتظرت نواف..لولا ملكتي من خالد كنت متاكده انه يخطبني ...بعدها استغفرت ربي وقلت : ربي اللي اختار طريقي وهو ادري فيني وكل شي مكتوب والخيره فيما اختارها الله .. مر الوقت واصبحت مهووسة فيه احبه حب حقيقي الان عرفت معني الحب ومعنى الحياه وانك تعيشها مع انسان تحبه .... عرفت ان شعوري لخالد كان مجرد التزام للزواج ولكن نواف حب ترجف له القلوب ...اتمناه كل الوقت لدرجة اني احلم فيه يوميا ...قررت بعد فتره من الزمن وقد اتعبني التفكير بنواف كثيرا ان اذهب عمره والجأ لربي وادعيه ان ينسيني نواف .. وذهبت عمره مع اهلي وكانت السنه الماضيه برمضان الماضي يوم 27/9 ودعيت من قلبي يارب انا طلعت من هم خالد وكان كبير احسه لسه بقلبي جرح مفتوح ونواف هم اكبر حب حياتي وبعيد عني ولا ابي اشوفه مع وحده ثانيه ان كان نواف خيره لي قربه وان كان شر ابعده يارحيم...وكان هاذا الدعاء على لساني طوال الوقت ... عدت من العمره وثاني يوم هاتفتني خالتي ام نواف ..عنود حبيبتي ابي اكلمك بموضوع.. =========================== الجزء 8 سمي خالتي امريني.... ما يأمر عليك عدو نواف من يوم رجعنا من 8 شهور وعرف انك انفصلتي وهو يبي يخطبك وانا الحقيقه كنت رافضه لان خالد اللي مثل ولدي وصعبه علي وعليه لكن شفت نواف مصر ويقول انا ابيها من زمان وضاعت من يدي مره وحده ولا ابيها تضيع مره ثانيه واخسرها .. وانا نواف ابي ازوجه باقرب وقت وافرح فيه ومارح القى احسن منك ياعنود ونواف كلم خالد وخالد قال انك مثل اخته صرتي وانه شاف حياته وانك لازم تشوفين حياتك ومهو شايل بخاطره من ناحيه نواف بشي ومدحك لنواف وقال تراها بنت محترمه واستحملتني كثير ولا بتلاقي احسن منها ... هاه عنود وش رايك؟ اسمع كلامه ولا اعرف ماذا اقول معقول ربي سيعوضني خير واخيرا سأجتمع انا وهو في بيت واحد؟؟هو حب حياتي واختارني من بين كل البنات ؟؟؟ اذا هو يحبني ايضا ويبادلني نفس المشااعر؟؟ اكملت خالتي حديثها.. على العموم عنود خذي وقتك ولا تستعجلين وترى اذا صار نصيب الزواج بيصير هاذا الشهر لاني ابي ازوجه وافرح فيه .... تركتني وانا اسبح بافكاري واتخيل نفسي بفستان الزفاف وبيوم الزفاف وهو بجانبي ويمسك يديي ... بعد 4 ايام امي :هاه عنود وش قررتي ؟؟ ماما انا موافقه .. الله يا يمه يوفقك وييسر لك امرك ويعوضك خير يارب وخلال 3 اسابيع لا افكر الا بنواف وباليوم الذي سيجمعنا معا ..وكل قطعه اشتريها اتخيل اني البسها له واتكلم معه واسأله عن رأيه فيها ... احسست ان العالم كله ملكي لي وحدي ليس هناك سوى انا ونواف فقط.... ذهبت معه واخترنا غرفتنا وجهزنا لبيتنا الزوجي وتجاذبنا احاذيث كثيره اكتشفت انه انسان رائع وحنون وانه يحبني كثيرا ... وانه استحمل كثيرا كلام الناس واقاربه .. ماذا تريد من فتاه مطلقه ؟؟ومطلقه من ولد خالتك واخوك؟؟ بنات الناس مليانه واحلى منها ؟؟؟ وكان لا يلقي لهم بال ويقول غير عنود لا اأخذ... شريت فستان زواجي الثاني وتركت الاول حبس خزانتي ..اقفلت شنطي غدا يوم زفااااافي وسفري الى مصر .. جميع الناس تتصل وتبارك ... اليوم يوم زفافي رائحة البخور املأت المنزل وكل من فيه يهلل ويبارك وانا اجهز نفسي .. اتت الكوافيره وبدأت ترفع خصلا ت شعري .. وانا افكر بيومي الاول مع نواف وكيف سيكون ؟؟ انتهيت من كل شي اصبحت الساعه 9 ليلا سمعت سوت السيارات وصوت التزمير خارجا .. اه لقد اتو الان ساأذهب الى صالة الزواج..دخل الجميع يبارك ودخل معهم نواف .. رأني وقبلني على راسي وقال :طالعه تجننين مبرووك علينا حنا الاثنين .... ذهبت الى الصاله ودخلت امام الحضور وكنت خائفه جدا جلست على مقعدي وعلمت انا خالد لم يحضر الزواج لان زوجته بشهرها الاخير وجلس بجانبها..كان بجانبي حبيبي وقلبي يمسك يدي بقوه كانه خائف ان اضيع منه ... ويهمس باذني احبك ... احسست اني ملكه جانبه .. احسست شي غريب الناس يتهامسون وهاتف نواف يدق باستمرار وانا اقل له من المتصل يقول لا انه محمد اخو خالد لا ادري ماذا يريد لا تهتمي واقفل هاتفه .... ولكن قلبي قبضننننني بقوووه كأنه احسس ان لا شي سيتم ..... اصبحت يدي وجسدي كله يرجف لا اعلم ما يحدث ... وظهرت معالم الارتباك على وجوه الحضور اقتربت امي مني :عنود قومي بسرعه .. امي وين اروح .. قومي ما في وقت اتكلم معك جوه انتي ونواف بسرعه قومو...ذهبنا الى غرفة القصر ... نواف انت وعنود ترى محمد اخو خالد برى وشكله ناوي شر .. وليه ماما وش صاير ... سكتت امي قليلا خالد لقد اعطاك عمره ماذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لم اتمالك نفسي امام نواف واصبحت دموعي تتساقط ...ونواف قال:تعالي عنود نطلع نشوف وش اللي صاير .. ذهبت معه خرجنا الى الصاله ولكن لم اجد الا قليل من الناس الجميع ذهب واهلى جميعهم غادرو .. ركبت مع نواف السياره وامي معنا .. انزلني وقال: عنود غيري وغسلي وتعالي ارجعي اركبي .. دخلت الى المنزل وانا اغير ملابسي .. ليس هاذا ما توقعته توقعت ان تكون اجمل ليله بحياتي .. هل معقول خالد مات ؟؟ وكيف ؟؟؟؟؟؟؟ احسست ان العالم كلها تمزح معي ... ركبت معه ووصلنا الى بيت خالتي الكبيره دخلنا وجدت الجميع يبكي ويصرخ امسكت اخت خالد وقلت لها :تكفين قولي وش اللي صاير تكفيووون علموني ... خالد ياعنود .. انتحر ... انتحر.. انتحر... حضنتني بقوه وانا اقول : ليه ؟؟ ليه؟؟؟؟؟؟؟ فجأه سمعنا صوت محمد وهو يقول : والله لاذبحه هو وزوجته اخوي ذبح نفسه عشانها والله لا اخذ بثار اخوي قهرت قلبه واهنا بحرق قلب امها عليه ... واسمع صوت رجال كثير خارجا وانا لا اعلم ماذا افعل وخرجو خالاتي يهدئونه .. وسقط محمد على الارض وكان يردد ومعه سلاح في يده ... نواف خطفها منه... وهي حرقت قلبه ..تزوجت اخوه .. تبي تقهره ... عنود ذبحت اخوي ..هي اللي ذبحته ...انتم السبب انتم... وانا اقول معقوله عشااااني وليه ؟؟؟ هو اللي تخلى عني ؟؟ هو اللي تركني وتزوج غيري. وكنت اسمع خالتي تقول وش اللي يرضيك يامحمد بس اترك ولدي ولا تذبحه تكفى مالي بالدنيا الا هو قال ابيه يطلقهااااااا ولا يجتمعون سوى ما ابي اخوي يتعذب بقبره .. سمعت نواف يقول... عنود طالق وتحرم علي ... .ياربي وش سويت بحياتي والله ما اذنبت بشي ليه يصير معي كذا ليه ؟؟؟؟؟؟ قلبي يبي يوووقف نبض .. انفاسي مكتومه .. همومي مكبوته .... حسيت الناس يعزوني بنفسي مو عليه كرهت الدنياااااااااااااااااا كلها ما ابي احد ولا اشوووووف احد .... وانحصر تفكيري بخالد .. ليه ياخالد؟؟؟ كنت تحبني لهدرجه ؟؟ انت اللي تخليت عني ..ليه ما كنت اعرف قدر حبي عندك ..ولا توقعت انك لسه تحبني ... يارب انا لانسألك رد القضاء ولكن نسألك اللطف فيه ... ثالث يوم رايت نواف وجلس معي وقال عنود انتي تدرين انا احبك وملا ابي اتخلى عنك لكن ما بيدي شي واضطريت اطلق قدامهم عشان امتص غضبه ابيك تعذريني الين تهدى الامور ونشوف وش يصير ..وانا احسست ان دموعي تخرج من قلبي وليست من عيني .. خرج واحستت ان روحي خرجت معه وكان احساسي اني لن اراه مره اخرى.... وبعد اسبوعين من وفاته سمعت ان خالتي حلفت بالقران اني لا ارجع على ذمت ولدها خوفا عليه وانها ستزوجه باقرب وقت من فتاه اخرى ... كل العالم تخلت عني صدمت باهلي واقرب الناس لدي ... منزلي اصبح غريب احسست اني انا غريبه بداخله...حجرتي كئيبه ومخيفه... اجبرت امي ان تكلم نواف وهاتفته..نواف انا قاعده يوصلني كلام انك بتتزوج وحده ثانيه الكلام صحيح ؟؟ ايه عنود ؟؟ وانت موافق..؟ امي ولا اقدر اقولها شي وش بيدي ياعنود امي مستحيل توافق ارجعك ... وبكل بساااطه تتخلى عني نواف ؟؟ انا ما تخليت غصب عني قلت لك .. واذا تزوجت تاكدي اني برجعك بيوم حتى لو تزوجت .؟؟ وشو ؟وتبيني انا اشوفك تتزوج على امل انك بيوم بترجعني ؟؟ للاسف يانواف مو انت نواف اللي حبيته كل الناس خانتني لكن طعنك لي اقوى جرح ... انا ابي صك طلاقي منك وشرط يكون بالثلاث لاني مارح ارد لك بيوم .... هاذه كانت اخر مره اسمع صوت نواااااف قبل 3 اشهر وتخلى عني بوقت انا لم احتج بالدنيااااا سواه ... اليست هاذه الحياه غدر وخيانه.؟ كتبت هاذه القصه للعبره وانا اكبر معتبره منها لاني تسرع بقراراتي واخترت الاشخاص الغلط بالمره الاولى والثانيه ....ولا تقول صديق وحبيب او زوج غير الام والاب مافي حب حقيقي كلها اوهام مؤقته رح تنكشف بيوم من الايام .. وهاذي التجربه قوتني ولم تضعفني ... وللاسف اكتشفت ان خالد هو الذي احبني الحب الحقيقي لكن بعد فووووووات الاوان .... خسااااااااره حبي لنووووووووواف .......... سامحني خالد اذا اخطيت بحقك بيوم او جرحتك ما عرفت مقدار حبك الا الحين ضحيت باشياء كثيره عشان انسان ما يسوى ربي يرحمك ويغفرلك وينور عليك قبرك ويثبتك عند السؤال ويغفر لك ذنوبك وان يجعل ولدك الذي ابصر الدنيا بعد مماتك ولدا صالحا يدعو لك ..... كنت اتمنى فقط ان يرى ولده قبل وفاته لقد ولد بعد وفاته ب 3 ايام وسموه (خالد) اسفه خالد اســــــــــــــــــــــــــــــــــــفه اللهم ارحم ميتنا واغفر له ووسع عليه قبره .. الله اثلج صدره واغسل عنه خطااياه .. انه عبدك وتحت رحمتك ..يطلب من المغفره والرحمه ... فارحمه ياارحم الرااااااحمين............امين انتهى واتمنى انها راقت لكم المصدر: منتديات ورود الرياض - من قسم: قصص واقعيه -قصص خيالية- قصص رواية- يهتم بالقصة و الرواية الثقافية -والتراث -القديم- قصص حب ==rsh,m hgkwdf== | |||||||||||||
| | ||||||||||||||
 |
| 16-11-2009, 05:13 PM
| رقم المشاركة : ( 2 ) | ||||||||||||||
| .".مغروره ودلوعه حدي.".  
|  Tweet يسلمووووووووووو على القصه يااارب يعطيك العاافيه ياارب | ||||||||||||||
| | |||||||||||||||
| |
| 17-11-2009, 01:34 AM
| رقم المشاركة : ( 3 ) | ||||||||||||||||
| ۞ مشرف سابقا ۞::
| Tweet الله يعطيك العافيه على القصه لا عدمنااك... | ||||||||||||||||
| |||||||||||||||||
| |
| 17-11-2009, 06:34 PM
| رقم المشاركة : ( 4 ) | |||||||||||||
| Tweet
قصه اكثر من رائعه
| |||||||||||||
| ||||||||||||||
| |
|
| مواقع النشر (المفضلة) |
| |
| أدوات الموضوع | |
| انواع عرض الموضوع | |
|
|
 |  |
العرض العادي
